Биз соц.тармактардабыз:

Тазабек Саманчин Баркталбай калган илимпоз

Ноябрь 5, 2021 г.

Жусуп Баласагын атындагы Кыргыз улуттук университетинин окутуучусу Жүрсүн Орозалиева менен маек Тазабек Саманчин тууралуу болмокчу.

Тазабек Саманчиндин тагдыры кыргыз тарыхындагы трагедиялуу барактарынын бири болгон 1916-жылга туура келип, жетимдиктин азабын башын кечирген экен. Балдар уйундо тарбия алып, кийин эл агартуу жана илимий изилдөөчүлүк менен алектенген.

 1936-1949-жылга чейин тил жана адабият боюнча илим-изилдөө институтунда илимий кызматкер болуп иштеп жүргөндөкөп илимий эмгектерди жаратып, Молдо Кылычтын чыгармаларын изилдеген. 1946-жылы «Молдо Кылыч жазгыч акын» деген темада кандидаттык диссертациясын жазып, филология илиминин кандидаты деген илимий даражага жеткен.

 1949-жылы СССР жазуучулар Союзунун пленумунда «Кыргыз адабиятчысы Тазабек Саманчин «Молдо Кылычтын чыгармалары» аттуу илимий ишинде улутчул ката кетирген» деген жалган жалаа менен 1950-жылдан 1955-жылга чейин түрмөдө болгон.1956-жылы акталып келгенден кийин кесибин өзгөртүп,котормочулукка өткөн.